Cynghorion wrth ddarllen eich mesurydd:

• Edrychwch ar leoliad a rhif cyfresol y mesurydd ar eich bil dŵr
• Agorwch y caead metel ar siambr y mesurydd dŵr.
• Os oes gorchudd polystyren gwrth-rew ar ben y mesurydd, codwch e.
• Mae caead arall ar rai o’n mesuryddion; os oes un ar eich mesurydd chi, agorwch e i weld wyneb y mesurydd.
• Gwnewch yn siŵr bod y rhif cyfresol ar eich bil yr un fath â’r un sydd ar eich mesurydd.
• Nodwch y rhifau gwyn ar gefndir du, neu ddu ar gefndir gwyn (nid oes angen y rhifau coch).

Ble mae’r mesurydd?

Fel rheol, bydd y mesurydd yn y ddaear o flaen eich eiddo, ar ffin yr eiddo, neu yn y palmant. Mewn ardaloedd gwledig, mae’n bosibl y bydd y mesurydd gryn bellter o’r eiddo. Os ydych chi’n ansicr ble mae’ch mesurydd, bydd disgrifiad byr o leoliad eich mesurydd ar eich bil. Am fwy o fanylion am leoliad y mesurydd cysylltwch â'r tîm ar 0800 260 5051 neu e-bostiwch BCT@dwrcymru.com.

Sut mae clirio dŵr anwedd o’r mesurydd?

Weithiau, os yw hi wedi bod yn bwrw glaw, bydd dŵr anwedd ar y gwydr ac ni fydd modd gweld y rhifau. Yma rydyn ni’n esbonio sut y dylech chi glirio’r dŵr anwedd er mwyn darllen y mesurydd.

Os oes magnet ar y mesurydd:

• Gosodwch rywbeth metel dros y magnet.
• Defnyddiwch y peth metel i symud y magnet yn ôl ac ymlaen dros ben y rhifau.
• Pan fyddwch chi’n gallu gweld y rhifau’n glir, symudwch y magnet allan o’r ffordd a darllenwch y mesurydd.

Os oes min sychu plastig clir ar y mesurydd:

• Symudwch y min sychu yn ôl ac ymlaen dros y rhifau.
• Pan fyddwch chi’n gallu gweld y rhifau’n glir, rhowch y min sychu uwchben y rhifau fel eich bod chi’n gallu darllen y mesurydd.

Pryd byddwn yn darllen eich mesurydd

Byddwn yn darllen eich mesurydd ar ddiwrnod gwaith cyntaf pob mis os yw amlder eich biliau yn fisol. Os cewch eich bilio bob chwarter, byddwn yn darllen y mesurydd 4 gwaith y flwyddyn, o fewn misoedd Ionawr, Ebrill, Gorffennaf a Hydref. Bydd amlder chwe misol yn cael ei ddarllen o fewn cyfnod o chwe wythnos o'ch mis bilio.